هذي قصيدة للشاعر بدر بن عواد الحويفي.
.قريتها واعجبتني وأنشاء الله تعجبكم
اشوف بعض اصحابنا مايمرون...
..وأنا الجفاء من صاحبي ما استحقه
وعندي خبر عن غاية اللي يكنون...
.شافو بحالي من جفا الوقت رقه
وانا من الهجران مانيب ممنون..
...ما اجفا رفيقي لو جفاني ماعقه
لو انهم عن غاية القلب يدرون.
...مرو علي ماعليهم مشقه
لكن مع الدنيا واهلها يميلون
...ويعطون راع المال من فوق حقه
لو تنفع الدنيا نفع مال قارون.
...ماله وجاهه ماعدل وزن بقه
الدايم اللي بقدرته كون الكون
....ارسى الجبال ومجرى الانهار شقه
والادمي ماهو عن النقص مضمون
....يفنى ويفنى المال جله ودقه
عمر الفتى لوطال للحق مرهون
.....لا يامن الديان بابه يطقه
اتلا العهد لاقالوا افلان مدفون
....ولفوا عليه من ارخص الخام شقه
ويقرا الكتاب اللي به العبد مديون
....والكل يحصد مابذرهواستحقه
ليست هناك تعليقات:
إرسال تعليق
اترك تعليق